लिंबाच्या सालीचे गोड लोणचे
















#lemon skin
#achar
#लोणचे
#लिंबाचे साल

आज आले लिंबाचा रस केला.. लिंबाच्या सालीचे खूप फायदे असतात हे माहीत असते पण नेहेमी टाकून दिल्या जातात. पण आज म्हंटले नाही टाकायच्या... काहीतरी करुयाच..

मग जरा विचार केला आणि ठरवले की लिंबाचे लोणचे करताय तसेच लिंबाच्या सालीचे लोणचे करूया.. साखरेच्या पाकात करूया म्हणजे खराब होणार नाही. 

प्रथम लिंबाच्या साली मिक्सर मधून सरबरीत करून घेतल्या. 
मग वाटीने मोजून जेवढ्या साली तेवढी साखर, त्याच्या अर्धे तिखट.. (मी साधे तिखट आणि कश्मिरी तिखट एकत्र करून घेतले) , तेवढेच मीठ (मी सैंधव मीठ घेतले) आणि थोडे आले किसून एकत्र केले आणि गॅस वर ठेवले. 

साखर विघळेपर्यंत पर्यंत हलवले. जसे घट्टा व्हायला लागले तसा गॅस बंद केला. गार झाल्यावर बरणीत भरून ठेवले.

रंग पण छान आला आणि चवीला पण छान आंबट, गोड, तिखट आणि मधेच सालीची चव पण आली आहे.  गरम गरम साधे वरण भात किंवा खिचडी बरोबर घ्यायला छानच लागेल..

चला तर मग... करून बघा... लिंबाच्या साली जमा करून ठेवा.. थोडे मीठ लावून ठेवल्या की खराब नाही होणार आणि हो.. एकदम पूर्ण पिळू नका.. थोडा रस ठेवा जर का लोणचे करायचे असेल तर..नाहीतर एखाद्या लिंबाचा रस घातलात तरी चालेल आटवताना.



🍋🍋🍋🍋🍋🍋🍋🍋🍋🍋🍋🍋🍋

Comments

Post a Comment

Popular posts from this blog

पौष्टीक लाडू

Image
यूट्यूब वर एक cornflakes घालून कणिकेचे लाडू केलेले बघितले आणि तसे करायचा प्रयत्न केला .. थोडे बदल केले पण छान झाले एकदम... घरात सगळ्यांना आवडले.. पटकन संपले... त्यामुळे कॉन्फिडन्स वाढला.. मग ठरवले तसेच परत करण्या पेक्षा अजून थोडा बदल करून बघावे करून...  तर या वेळेस गव्हाचे पीठ आणि थोडे नाचणीचे पीठ पण घेतले. काय काय घेतले किती किती घेतले ते सविस्तर लिहिते खाली...  1 कप कणीक 1/2 कप नाचणी पीठ 1 1/2 कप गूळ 1 कप तूप 1/2 कप cornflakes 1/2 कप स्पेशल K 1/2 कप खारीक पूड 1/2 कप बदाम पूड 1 टेबल स्पून वेलची पावडर 1/2 वाटी दूध प्रथम खारीक पूड, बदाम पूड, स्पेशल K, cornflakes, गूळ, वेलची पावडर सगळे मिक्सरमध्ये घालून सरबरीत दळून घ्यायचे. मग कढई मध्ये तूप घालून त्यात कणिक आणि नाचणी पीठ छान भाजून घ्यायचे... शेवटी गॅस बंद करून थोडे दूध घालून मग त्यात वरचे मिश्रण एकत्र करून छान मळून घायचे.  गरम असतानाच लाडू वळायला घ्यायचे... पीठ गार झाले की वळताना कोरडे वाटू शकते ... मग हवे तर 1 चमचा दूध घालून मग वळायचे...  Cornflakes मुळे छान क्रंची लागतात... सगळे पोष्टिक पदार्थ असल्याने लहान मोठे कोणी...
Read more

ऋषीची भाजी किंवा बडम

Image
#ऋषीची भाजी #बडम गणपतीच्या दुसऱ्या दिवशी ही भाजी केली जाते. मला पूर्वी ही भाजी नाही आवडायची.. कारण माहित नाही.. आणि कधी आवडायला लागली ते पण आठवत नाही. दर वर्षी शेजारच्या वहिनी द्यायच्या आठवणीने.. पण या वर्षी त्या अलिबागला असल्याने मला भाजी मिळेल असे वाटले नव्हते... पण मग मी विचार केला की आपण करून बघुया की.. नशिबाने जवळपास सगळ्या भाज्या मिळाल्या.. भेंडी मला आवडत नसल्याने मी घातली नाही 😉 ..  लाल भोपळा, सुरण, बटाटा, रताळे - एक एक वाटी फोडी अळू, लाल माठ, आंबडी - बारीक चिरून एक एक वाटी अळूची देठ, लाल माठ देठ - एक एक वाटी एक किंवा दोन कणसे तुकडे करून (आवडीनुसार) ओले खोबरे 1 वाटी हिरव्या मिरच्या 2  थोडी कोथिंबीर मीठ आधी खोबरे मिरच्या आणि कोथिंबीर मिक्सरमध्ये बारीक करून घ्यावे. मग एका जाड बुडाच्या पातेल्यात तेल घालून तापत ठेवावे. तेल तापले की आधी सगळ्या पालेभाज्या आणि मग सगळ्या फळभाज्या.. मग खोबऱ्याचे मिश्रण आणि शेवटी कणसाचे तुकडे घालून छान परतून घ्यायचे.. चवीनुसार मीठ घालायचे.. थोडे पाणी घालायचे आणि 10 ते 15 मिन...
Read more